DAVAO CITY – Gipa-ampingan sa mga sakop sa Philippine Drug Enforcement Agency (PDEA) – XI ang mga bag-ong kahimanan sa war on drugs.
Sumala pa kang PDEA Eleven Director Antonio Revira pinasikad sa ilang sumbanan sa war on drugs kinahanglan nga mamahimong responsable ang matag agent nga mahatagan ug bag-ong gamit aron nga molungtad pa ug dugay ang nahisgutan nga mga kahimanan.
Kini labi na ang duha ka mga motorsiklo, duha ka mga H100 van, lima ka mga body camera, 38 ka mga Kevlar helmet, usa ka set sa reloaded machine sa bala, usa ka education kit, tulo ka mga laptop ug dese siete ka mga printers.
Gipasalamatan ni Revira ang PDEA National Office sa paghatag kanila sa mga ekipo gumikan kay nagtuo si Revira nga makapakusog kini sa ilang katakus ug administrative functions.
Sumala pa kang Revira nga first batch pa lamang ang ilang nadawat nga mga kahimanan gumikan kay duna pa’y umaabot nga ikaduhang batch niini.
