DAVAO CITY – Gipasaka-an na ug kaso ang duha ka mga suspetsado sa paglugos ug pagpatay sa usa ka Brendalyn Batoto, 14 anyos, Grade 12 nga tinun-an sa Digos City National High School Annex sa Mati, Digos City.
Naila ang mga gikasohan nga sila si Victor Duhaylungsod Malanog, 32 anyos, ulitawo, residente sa Purok Calachuchi, Barangay Tiguman, Digos City ug lain pang suspek nga usa ka Alfonso Ignacio, 37 anyos, scrap metal collector residente sa susama nga dapit.
Ang duha ka mga suspek mao ang giila nga responsabli sa paglugos ug pagpatay sa biktima subay sa pahayag sa mga saksi.
Gikaingong gidakdakan ug bato ang ulo sa biktima. Sa pakighinabi sa Bombo Radyo Davao kang Malanog gipahayag niya nga hubog silang duha ni Ignacio ug gi-atangan nila ang biktima sa bagnot nga bahin sa shortkatanan niini.
Hugtanon niya nga gipahayag nga si Janjan lamang ang milugos sa biktima. Sul-ob sumala pa ni Jajan ang t-shirt nga nakaplagan sa kapolisan sa crime scene hinongdan nga siya ang nadout sa krimin.
Wala sumala pa siya’y mahimo aron nga pugngan ang suspek gumikan kay kalakip siya nga gibaharan niini. Wala usab sumala pa siya’y nabati nga singgit gikan sa biktima.
