DAVAO CITY – Bugtong usa lamang sa 143 ka mga homeowners nga gihatagan ug pahimangno nga mohiklin sa duruha ka mga Barangay ang kwalipikado alang sa relocation.
Kini ang gibutyag sa hepe sa City Planning and Development Office (CPDO) Housing and Homesite Division.
Matud pa kang Roy Ryan Rigor, nga usa lamang ka homeowners ang kwalipikado nga mobalhin sa relocation areas nga iya sa lokal nga panggamhanan.
Kahinumduman nga ang mga informal settlers sa Barangays 40-D ug 76-A ang susama nga nahimutang daplin sa Davao River.
Una ng gimando sa kagamhanan nga i-demolish ang mga pinuy-anan gumikan kay nahimutang kini sa hazard-prone areas aron nga layo kini sa delikado ilabi na panahon sa pagbaha.
Gitataw sab ni Rigor nga daghanan sumala pa sa mga residente sa nahisgutan nga lugar ang adunay maayo nga income hinungdan nga wala sila nakapasar sa mga hatagan ug re-location sa CPDO.
Hinuon mamahimo pa gihapon nga mag-apply ang mga apektadong residente sa uban nga programa apan kinahanglan nga kompletohon niini ang mga gikinahanglan nga rekisitos.
