DAVAO CITY – Masaligon gihapon si Davao City Councilor Danny Dayanghirang nga bisan pa kung nakabungat na ug pahayag si Pangulong Rodrigo Duterte nga mga tinuod nga terorista ang mga New People’s Army (NPA) basi sa mga nahimo niini nga mga kadaut sulod na sa pipila ka mga katuigan, nga mas maayo gihapon nga i-agi sa malinawon nga negosasyon ang pagkab-ot ug kasabotan uban sa nmahisgutan nga grupo.
Kalabot sa posibling paglugway sa pagpatuman sa martial law hangtud sa tuig 2018, sumala pa kang Konsehal Dayanghiran nga dili kini suliran labi na kung kini ang nakita sa mga tinugyanan sa balaod nga mamahimong sulbad sa posibling umaabot nga mga kagubot.
Sumala pa sa konsehal nga ang martial law karon sa Mindanao wala mahimong direkta nga hinongdan sa mga abuso sa kasundalohan, gawas lamang sa pagpugong nga mokaylap ang kagubot dinhi sa dakbayan ug sa tibuok rehiyon unse.
