DAVAO CITY – Gimando na karon ni Davao City Mayor Sara Duterte-Carpio ang pagmugna ug multi-agency advisory committee nga motutok sa pagpatuman sa Davao City Bypass Construction Project.
Subay sa executive order nga gilagdaan ni Mayor Sara, gituboy niini ang mga representante gikan sa Department of Public Works and Highways (DPWH) national ug regional offices aron nga seguruhon nga mapatuman ug hapsay ang proyekto.
Pipila sa mga gitahasan sa Mayor ang gilangkuban nila ni DPWH Undersecretary Emil K. Sadain nga magsilbing co-chair sa advisory group, kaabag ang Office of the DPWH regional director nga tahasan usab isip regular member sa grupo.
Gikanayong ang Executive Order 32 (EO 32) nagmando sa kamugnaan sa infrastructure monitoring ug advisory group (IMAG) aron nga imonitor ang infrastructure projects sa siyudad.
Ang maong proyekto inisyal nga gipundohan sa Japan International Cooperation Agency (JICA).
Ang mayor ang nagsilbi isip chairperson sa maong grupo nga adunay mga represesntante usab gikan sa City Administrator’s Office, City Planning and Development Office, City Engineer’s Office, City Legal Office, assistant city administrators for administration and operations, Davao City Police Office, National Economic and Development Authority regional office, Department of Environment and Natural Resources, Register of Deeds, ug duruha ka district engineering offices sa DPWH ning siyudad.
