DAVAO CITY – Misaka na matud pa sa 85 porsyento ang mga hotel bookings alang sa Kadayawan Festival.
Matud pa kang City Tourism Operations Office (CTOO) head Generose Tecson, nga kalakip sa maong datus kadtong mga 2-star hotels pataas.
Naglaom ang opisyal nga pagsulod sa Agosto 17, fully book na ang mga hotel hinungdan nga okupado sab sila karon sa pagpromotar aron nga daghanang mga turista ang mobisita sa dakbayan.
Kahinumduman nga sukad nga gideklara ang Martial Law hangtud sa tunga-tunga nga bahin sa bulan sa Hunyo, nalugi ang hotel sector ug P18 milliongumikan sa kanselasyon sa mga room bookings.
Nakasinate sab ug P 2million nga pagkalugi ang Tour operators, transport sector, ug restaurants.
Hinuon wala pa gihapon nawad-an ug paglaom si Tecson nga makabawi ang dakbayan samtang nagkaduol ang tinuig nga kapiyestahan nga sagad taas ang ihap sa mga modagsa nga bisita.
