DAVAO CITY – Gumikan sa earthquake ug tsunami drill gilauman nga kalikayan ang pagkakalas sa kinabuhi kung mo-igo man ang kalamidad sa dakbayan sa Davao.
Kini human nga gi-deklara nga nagmalampuson ang pagpahigayon sa drill sa daku nga bahin sa dakbayan.
Una nang gipahayag ni Emmanuel Jaldon, hepe sa 911 hapsay nga napahigayon sa mga taga-Davao ang nahisgutan nga kalihukan labi na ang Duck, Cover and Hold position ug ang evacuation.
Paspas sab nga napahiluna ang makeshief agency office alang sa city mayor, City Health, public safety and security command center ug uban pa.
Gitataw ni Jaldon nga mahinongdanon nga ikapahimutang ang makeshift agency office aron nga makita sa mga taga-Davao nga andam pa gihapon nga motabang kanila ang mga ahensya sa kagamhanan alang sa pag-atiman sa mga bakwit.
Gihimong scenario sa shake-up drill ang posibling pag-igo sa dakbayan sa 7.2 nga gikusgon sa linog.
