DAVAO CITY – Wala’y puas ang kampanya sa kapolisan batok sa illegal nga druga pinaagi sa project double barrel alpha reloaded.
Sunod-sunod nga nadakpan sa kapolisan kagabii ang duha ka mga tawo nga namaligya ug illegal nga druga sa managlahi nga operasyon.
Unang nadakpan alas 11:00 sa udto kagahapon si Adel Carcasona, Taxi driver, residente sa Purok 21, Ideal Barangay Bago Aplya.
Gi-buy-bust si Carcasona sa Joint Drug Enforcement Team sa Davao City Police Office, Toril Police ug Philippine Drug Enforcement Agency.
Nasakmit gikan sa suspek ang usa ka pinataas nga sachet sa shabu, ug ang kinyentos ka pesos nga buy bust money, lakip na ang usa ka cellphone.
Dakpan sab kagabii ang ysa ka Haron Akmad Maang, baynte siete anyos, usa ka machine operator.
Nasakmit gikan kaniya ang usa ka medium sieze nga shabu atol sa buy-bust operation.
Ang duha ka mga dinakpan, ipa-ilalum sa inquest proceedings ug kasohan ug paglapas sa Republic Act 9165 o comprehensive dangerous drugs act of 2002.
