DAVAO CITY – Pasakahan na ug kasong kalapasan sa Republic Act. 9282 kun Anti illegal gambling games ang duruha ka mga indibidwal nga nasikop sa gilusad nga operasyon sa mga sakop sa Sasa PNP.
Naila ang mga dinakpan nga sila si Julieta Marzado, 53 anyos, minyo, lumad nga taga Pantukan Compostela Valley apan kasamtangan nga nanimuyo sa Bolinao St. kilometer 11 Sasa ning siyudad ug usa ka Moises Barlumento, 54 anyos, minyo, lumad nga taga Zamboanga del Sur ug kasamtangang nanimuyo sa Zone 4 kl. 12 Fatima Village Sasa ning dakbayan sa Davao.
Nakuha sa posisyon sa mga nahisgutan ang cellphone, digital calculator, 6 ka tally sheets, 2 ka koteho, ballpen ug P575.00 nga patad sa last two.
Susama karon nga balhug sa presohan ang mga dinakpan ug naghulat nga maresolba ang kaso nga ilang gi-atubang.
