DAVAO CITY – Gihatagan sa National Prosecution Service ilalom sa Department of Justice ug pag-ila sa ilang mga nagkadaiyang field offices human ang malampuson nga pag-prosecute sa mga kaso sa ilegal nga droga sa Davao region.
Kahinumduman nga nag-una ang Davao City Prosecution Office sa ilang listahan sunod ang Panabo City ug Davao Oriental.
Matud pa kang Regional Prosecutor Janet Grace B. Dalisay-Fabrero n ga usa sa ilang basehan sa maong pag-ila mao ang ihap sa mga life imprisonment drug cases nga miresulta sa malampuson nga prosecution kaniadtong tuig 2016.
Laraw sab sa maong lakang mga ma-awhag pa ang mga prosecutors nga magkugi ug adunay dedikasyon nga atubangon ang mga pagdungog sa mga kaso nga adunay kalabutan sa ginadili nga druga.
Subay sa data gikan sa Regional State Prosecution Office (RPSO-XI) kaniadtong 2014 ug 2016, anaa sumala pa sa 603 ka mga kaso ang naresolba apan anaa lamang sa 167 ang konbiktado.
Sa nahisgutan usab nga kaso, 403 ang na-dismiss o acquitted ang akusado samtang 33 ang archived. Base sab sa report anaa sa 6,208 ka kaso ang napasang-at sa korte.
Atol sa unang upat ka bulan ning kasamtangan nga tuig, anaa sa 154 ka kaso ang naresolba samtang 44 ang convicted.
