DAVAO CITY – Tungod sa kalagot sa Davao City Drainage Maintenance Unit (DMU) sa mga tawo nga padayon pa gihapon sa paglabay sa ilang mga hugaw sa mga kanal labi na sa may dalang Obrero gibutangan niini ug tawo nga maoy mututok ug mubantay sa mga hugawan nga pasagad lamang ug labay sa ilang basura.
Nanganti gayud si DMU head Rhodelio Poliquit nga mihimo ug legal nga aksyon sa grupo nga moyabo og hugaw gikan sa septic tank sa mga kanal sa dakbayan.
Sumala pa ni Poliquit nga matingala na lamang siya nga bag-o pa lamang nila nahinloan ang mga kanal, mapuno dayon og lapok bisan walay ulan.
Hinungdan nga iyang gipabutangan ug tawo ang nasampit nga lugar nga maoy maniid sa kagabhion.
Giseguro sa DMU nga walay nagbara nga mga kanal labi na karong mga panahuna nga pirmi na lamang ga-ulan.
