DAVAO CITY – Gikatakda na nga pasakahan ug kaso sa Women and Children’s Protection Desk (WCPD) ug Tagum City Social Services and Development Office ang usa ka lola kinsa miputol sa iyang apo nga gikanayong nangawat kaniya ug P20.
Nasayran kang Senior Inspector Anjanette Tirador, spokesperson sa Tagum City Police Station, nga gawas sa gihimo sa apuhan nakasinate sab sumala pa ug pagmaltrato ang biktima ngadto sa iyang uyoan sa Barangay Apokon, Tagum City.
Gani nagtuo ang kapulisan nga lalaki ang biktima sanglit panlalaki ang gupit sa buhok niini apan ulahi na nila nga nasayran nga babaye kini apan mubo lamang ug buhok gumikan kay gipahak-pahakan sumala pa kini sa uyuan.
Gikustodiya una karon sa social ang bata nga gikanayong gipasagdan pa sa apuhan bisan nga nagdugo ang tudlo nga giputol niini.
Naghulat na lamang ang nahisgutan nga lola nga maduso ang kaso batok kaniya.
