DAVAO CITY – Andam nga makig-alayon ang Public Safety and Security Command Center (PSSCC) ngadto sa imbestigasyon sa kapolisan kalabot sa taxi driver sa Fiesta Taxi nga si Jerry Gulay nga gipakyaw gikan sa Davao International Airport saa usa ka babaye nga nagpahatud sa Kabacan, North Cotabato niadtong Biernes sa hapon apan nakaplagan na lamang nga brutal nga gipatay.
Sumala pa kang Retired Gen. Beneto De Leo, PSSCC chief nga andam sila nga ihatag sa kapolisan ang mga na-captured nga mga footage sa babaye sa babaye sa wala pa ug hangtud nga nakasakay na kini sa taxi sa biktima.
Nasayran nga kwatro mil ka pesos ang pakyaw sa babaye sa taxi ni Jerry apan ang bayad didto na sa Kabacan.
Tan-awon sa kapolisan kung kakonsabo sa mga tulisan ug carnapper ang babaye.
Una nang nasayran nga sagad sa mga taxi nga motaak sa Cotabato dili na makabalik.
Sumala pa kang De Leon nga sa pinakaulahi niya nga pagsusi sa mga CCTV sa Davao International maayo kini ug kuha. Hinoon kung dunay mga CCTV nga anaa sa maintainance o kaha pag-repair posible nga sa lain nga anggulo na lamang kini tan-awon.
Kahinumduman nga ang asawa sa biktima nga si Marife Gulay bout nga makakuha ug footage sa iyang bana aron nga matabangan sa pagsulbad sa kamatayon sa biktima.
