DAVAO CITY – Gipasalig sa Foreign Affairs and Trade Minister of Hungary nga si Peter Szijjarto njga dili maglabot-labot sa internal affairs sa Pilipinas ug bugtong ang mga Filipino lamang sumala pa ang modesisyon kung paunsa dumalaon ang nasud.
Kini ang gibutyag ni Szijjarto atol sa ilang tigom ni Acting Foreign Affairs Secretary Enrique Manalo sa usa ka hotel ning siyudad.
Gikanayon sa nahisgutan nga bugtong kasabutan lamang sa bilateral issues ang mamahimo nila nga hisgutan ug respetuhon ang desisyon sa mga Filipino.
Tipik lamang ang pahayag sa nahisgutan human ang nahimong pahayag ni Pangulong Rodrigo Duterte kalabot sa pagsaway sa EU kalabot sa war on drugs sa kasamtangang administrasyon.
Samtang gilagdaan sa duruha ka nasud ang upat ka mga cooperation agreements sa economy, trade and culture gawas pa sa Memorandum of Understanding tali sa Foreign Service Institute of the Philippines ingon man sa Institute of Foreign Affairs and Trade sa Hungary.
Lagdaan sab sumala pa karong adlawa ni Szijjarto ang cooperation agreement on economy ug cooperation agreement on the economic and trade chambers.
Nasayran nga ang Hungarian official maoy labing una nga foreign minister gikan European Union nga mibisita dinhi sa dakbayan.
