Gibasol ni Deputy Spokesperson sa Chinese Embassy Guo Wei si Philippine Coast Guard (PCG) Spokesperson for West Philippine Sea Commodore Jay Tarriela ug uban pang opisyal sa giingong dili maayong sa relasyon tali sa Pilipinas ug China.
“If there weren’t people like Jay Taliella who lies, sows discord, and incites hatred every day, China-Philippine relations would be much better,” sumala ni Guo.
Gihimo ni Guo ang maong pahayag atol sa paghinumdom sa Pilipinas sa ika-10 anibersaryo sa desisyon sa Permanent Court of Arbitration kabahin sa West Philippine Sea.
Sa maong desisyon kaniadtong 2016, gisalikway sa tribunal ang nine-dash line claim sa China ug giila ang katungod sa Pilipinas sulod sa 200-nautical-mile Exclusive Economic Zone (EEZ).
Mibwelta usab si Tarriela nga mas mahimong hapsay ang relasyon sa duha ka nasud kung sundon lamang sa China ang internasyonal nga balaod ug undangon na ang giingong pagpang-harass sa mga Pilipinong mangingisda, mga barko sa PCG, ug mga sakop sa Bureau of Fisheries and Aquatic Resources (BFAR).
Dugang pa niini nga ang tinuod nga solusyon mao ang pagbiya sa China sa giingong ilegal nga pag-angkon sa halos tibuok South China Sea ug ang pagrespeto sa soberanya ug katungod sa Pilipinas sa kadagatan.
