DAVAO CITY – Misaka sumala pa ang unemployment rate sa rehiyon ngadto sa 5.9 porsiyento sa Enero 2017 gikan 5.1 porsiyento sa susama nga panahon sa milabay nga tuig.
Matud pa kang Dole Davao Regional Director Joffrey Suyao nga ang pagsaka niini posibleng malambigit sa pagsaka usab sa labor force sa rehiyon gikan sa kapin 2 milyon sa milabay nga Enero 2016 ngadto sa kapin 2.1 milyon sukad Enero 2017.
Hinuon gibutyag sa opisyal nga dakong tabang ang mga technical courses sa Tesda sa pagpalambo sa katakus sa mga tinun-an aron nga makuha sa trabaho nga ilang gi-aplayan.
Dugang ni Suyao nga ang mahinungdanon karon sa mga ahensiya sa kagamhanan sama sa Department of Trade and Industry, Tesda, ug Dole uban sa nagkadaiyang mga industriya nga makahimo sa pagpahaum sa labor force requirement sa ilang mga abilidad sa trabaho.
