DAVAO CITY – Malampuson ang gipahigayon nga Araw ng mga empleyado kagahapong adlawa.
Kahinumduman nga nahimong highlights sa aktibidad ang dungan nga pa-zumba sa mga mamumuo nga gipangunahan ni CTTMO head Dionesio Abude, HRMO head Erwin Alparaque ug daghanan pa ingon man ang pagpahigayon sa larong Pinoy.
Ang maong aktibidad kabahin sa pagsaulog sa ika-80th nga Araw ng Dabaw.
Samtang gibutyag sab ni Alparaque nga mikabat sa 328 ka mga contingents ang mosalmut sa ipahigayon nga Parada Dabawenyo ugmang adlawa.
Gikanayong pinakadaghan sumala pa kini kung itandi sa milabay nga mga tuig.
Nanawagan sab kini sa mga turista nga makighiusa sa tinuig nga selebrasyon sa dakbayan ilabi na karung adlawa diin ipahigayon usab ang coronation night sa Mutya ng Dabaw 2017 sa Davao recreation Center o kanhi almendras gym.
