DAVAO CITY – Nagsugod gilayon sa ilang trabaho ang gimugnang Task Force Sibayan nga maoy motutok sa kaso sa nahitabong pagpang-ambush sa Brgy. Sibayan Bansalan Davao del Sur nga gikamatay sa upat ka mga personahe sa kapulisan.
Gimugna ang maong grupo sa Police Regional Office (PRO) eleven aron nga paspas ang dagan sa imbestigasyon ug manubag ang mipaluyo sa krimen.
Gipangunahan ang maong grupo ni PRO 11 Deputy Regional Director for Operations Senior Supt. Valeriano de Leon nga maoy nanguna usab sa imbestigasyon sa nahitabong Roxas Night market kaniadtong Setyembre 2016.
Matud pa kang de leon nga sa ilang inisyal nga imbestigasyon, adunay lig-on nga basehan nga mga sakop sa rebeldeng New People’s Army (NPA) ang mipaluyo sa pagpangbanhig.
Pahayag ni PRO 11 Deputy Regional Director for Operations Senior Supt. Valeriano de Leon. Samtang andam sumala pa nga motabang ang kasundalohan sa ipahigayon nga imbestigasyon ingon man ang ipahigayon nga hot pursuit operation batok sa mga rebelde.
