DAVAO CITY – DAVAO CITY – Duawon ni Pangulong Rodrigo Duterte ang pamilya sa mga nangamatay nga mga police sa Bansalan sa ambush kagahapon sa Barangay Sibayan sa nahisgutan nga lungsod.
Alas 2:00 karong hapon moduaw ang pangulong Duterte sa haya sa upat ka mga nangamatay nga mga police nga sila si PO1 Rolly Benelayo, PO1 Joe Narvaza, ug PO1 Saro Mangutara nga mga sakop sa Bansalan Municipal Police Station (MPS) ug PO3 Jayden May Rabor, sakop sa Scene of the Crime Operatives (SOCO) sa Digos City.
Makigkita sab ang pangulo sa survivor nga si PO3 Allen Arnado nga sakop sab sa SOCO Digos City.
Naka-half mast sa kasamtangan ang bandela sa Pilipinas sa munisipyo sa Bansalan.
Mas gihugtan na ang seguridad sa nahisgutan nga lungsod alang sa pagduaw ni Pangulong Duterte.
Nagpadayon pa ang hot pursuit operation sa Provincial Public Safety Battalion, 39th IB Philippine Army, ug 73rd IB Philippine Army batok sa mga sakop sa Front Committee 51 sa New People’s Army nga naglihok sa nahisgutan nga lalawigan.
