DAVAO CITY – Daku ang pagtuo ni Barangay Sibayan, Bansalan, Davao del Sur Barangay Captain Eddie Dicdican nga mga sakop sa rebeldeng NPA ang mipusil patay sa manag-agaw nga sila si Marlon Lumantad ug Lantoy Alborca.
Nasayran gikan sa kapitan nga si Marlon nagpapanday sa iyang balay kang Lantoy.
Ang asawa ni Marlon tua manarbaho sa gawas sa nasod ug matag gabii nagasuroy si Marlon.
Human sa pagpamusil kaganinang buntag si Lantoy gitinguha pa nga madala sa balay tambalanan apan nakabsan gihapon sa iyang kinabuhi.
Gikopmpirma ni Kapitan Dicdican nga wala’y dautan nga record sa ilang barangay si Marlon.
Gikompirman ni Dicdican nga sa dihang gi-ambush ang patrol car nga gisakyan sa usa ka sakop sa SOCO ug sa upat ka lain pa nga mga pulis, mga alas 7:30 sa buntag, ang una nga patrol car nga dunay tulo ka mga pulis una nang naabot sa crime scene mga alas 6:30 pa lamang sa buntag.
Nangandam na lamang sila ug wala maka-reponde sa ambush area.
Nasayran nga sa Digos City pa gikan ang sakop sa SOCO hinongdan nga mga alas 7:30 na sa buntag dihang nahi-abot sa dapit ug mao ang na-ambush sa mga NPA.
