DAVAO CITY – Welcome kang Bayan Muna partylist representative lawyer Carlos Isagani Zarate ang pahayag ni Pangulong Rodrigo Duterte nga andam kini nga ipadayon ang hinabing pangkalinaw tali sa gobyerno ug komunista.
Matud pa kang Zarate, nga vice-chair usab sa House Special Committee on Peace, Reconciliation and Unity, nga naglaom ang Bayan Muna nga magpadayon ang formal talks sa Abril 2 hangtud 6.
Una ng naka-schedule ang hinabing pangkalinaw sa Abril 2 hangtud 6 atol Third Round of Talks nga gipahigayon sa Roma kaniadtong milabay nga bulan sa Enero.
Gikanayon sa nahisgutan nga daghan na ang nakab-ot ug nahisgutan nga mga agenda kalabot sa socio-economic, political ug constitutional reforms hinungdan nga dili sumala pa kini ang tukma nga panahon aron nga i-abandona ang peace process nga nanginahanglan ug tukma nga solusyon.
Nanawagan sab ang Bayan Muna sa Pangulo nga pugngan ang militarista sa iyang administrasyon nga mao sumala pay mosabotahe sa pag-uswag sa peace negotiation.
Nasayran sab kang Zarate nga anaa sa 140 House members ang co-authored sa House Resolution 769 diin nanawagan ang mga nahisgutan sa pagpadayon sa hinabing pangkalinaw nga una ng gisuspende kaniadtong bulan sa Pebrero ning kasamtangan nga tuig.
