DAVAO CITY – Gipasabot ni Dean Otiz ang tigpamaba sa Department of Public Works and Highways (DPWH) nga bawal gayud ang pagtukod ug mga waiting shed daplin sa mga national highways.
Tipik lamang ang pahayag sa opisyal human ang nahitabong insidente kagahapong adlawa sa Palma Gil Elementary School diin duha ka ginang ang nadala sa balay tambalanan human nga natumbahan sa waiting shed dihang miigo ang magnitude 4.7 nga linog.
Sa kasamtangan, nakigkita na matud pa sila sa ilang mga engineers aron magpahigayon ug inspeksiyon sa mga gipangtukod nga mga waiting sheds sa siyudad.
Kabahin sab sa maong lakang ang paghatag ug rekomendasyon kung kinahanglan nga bungkagon o ipabilin ang mga susama nga istraktura sa kadalanan o kung delikado ba kini sa katawhan panahon nga adunay mahitabong kalamidad sama na lamang linog.
