DAVAO CITY – Nanguna pa gihapon ang ahensiya sa Department of Labor and Employment sa pag-host sa Association of Southeast Asian Nations (ASEAN) Labor Ministers’ Retreat ug 10th Meeting sa ASEAN Committee on Migrant Workers nga nagsugod niining milabay nga Pebrero 19 ug matapos karong adlawa sa usa ka hotel ning dakbayan sa Davao.
Una niini, mapasalamaton si DOLE Secretary Sylvestre H. Bello III nga gihatagan sila ug kahigayonan sa pag-host sa ministerial retreat dungan sa pagbutyag nga isip chairman sa ASEAN 2017, naglaom ang Pilipinas sa usa ka pinal nga mga lakang alang sa pagprotekta ug pagpromotar sa mga katungod sa migrant workers.
Pipila sa ilang mga nahisgutan ang gilangkuban sa working hours sa mga mamumuo, exemption sa pagbayad ug terminal fees ug pag-waive sa recruitment fees alang sa migrant workers.
Ang Philippine Chairmanship sa ASEAN 2017, ang kabahin usab sa ika-50th anniversary of the ASEAN regional community uban ang tema nga “Partnering for Change, Engaging the World.”
