DAVAO CITY – Labihan kakalit ang sunog nga miulbo sa Juan Luna Extension, Lizada St., Barangay 26-C hinongdan nga gidali sa pagluwas sa pamilyang Angcon ang patay’ng lawas sa ilang kabanay nga ilang gilamayan.
Sumala pa kang Ginang Racelsa Angcon nga mi-responde ang mga kalalakin-an sa pagtuo nga mapakgang pa ang sunog, apan labihang dako-a na, mao nga gi-seguro na lang nila sa pagpagawas sa dapit ang mga bata ug ang gihaya nga patay nga gilamayan sukad niining milabay nga adlaw.
Nabalaka ang inahan nga inang nga malubong karong adlawa, ma-cremate ug ahat ang iyang anak nga gihaya. Sa boarding house nagsugod ang sunog.
Halos wala’y nadala ang mga miikyas nga mga boarders gumikan kay nakalitan sa panghitabo ug sa kapaspas sa kalayo. Si alyas Gina naka-ikyas nga ang nabitbit rice cooker ug habol na na lamang.
