DAVAO CITY – Migahin ang City Fisheries and Aquatic Resources Management Council (CFARMC) ug P500,000 alang sa fund assistance programs sa 25 ka mga 26 coastal barangays.
Ang nahisgutan nga programa ilalom sa Office of the City Agriculturist ug gipondohan ilalom sa general fund sa siyudad alang sa 2017 sa pagpakiglambigit sa Department of Agriculture (DA), Bureau of Fisheries and Aquatic Resources (BFAR), Regional Fisheries Training Center (RFTC) Panabo City, ug Philippine National Police’s Maritime Group.
Ang maong item ang gisumite sa committee on environment sa konseho human nga naaprubahan atol sa unang pagbasa sa milabay nga session sa Sangguniang Panlungsod. Subay sa proposed design, kabahin sa programa ang pagpakighinabi sa 37 fisherfolk associations aron momugna ug mga plano atol sa unang quarter ning kasamtangan nga tuig.
Sakop sab sa maong pundo ang binulan nga panginahanglanon sa coastal barangays.
Bisan nga CFARMC maoy tahasan nga mamahimong implementing agency kaabag ang City Agriculturist’s Office, ang mga barangay sa coastal communities pa gihapon ang magsilbi nga forefront sa proyekto. Gilangkuban kini sa 26 barangay fishery law enforcement teams (FLETs) ug barangay FARMCs.
Kabahin sab sa maong proyekto ang mga Non-government organizations gawas sa national government agencies sama sa Department of Interior and Local Government, Department of Environment and Natural Resources, Department of Social Welfare and Development, ingon man Department of Education.
