DAVAO CITY – Bisan sa iyang katigulangon, labihang paningkamot ni Irinia Arao nga maluwas ang kaugalingon ug ang iyang mga apo sa sunog sa Santo Niño, Agdao Proper, ning dakbayan sa Davao kagahapon sa mga ala 1:30 sa kaadlawon.
Dili gayud niya mahikalimtan nga dihang nagkaguliyang na ang ilang mga silingan gumikan sa pagkasunog sa pinoy-anan ni Danilo Lao, iya dayon nga gipangtawag ang iyang mga anak ug mga apo.
Naglisod sila sa paggawas sa dapit gumikan sa kaapeke sa alagi-anan.
Pasalamat na lamang sila nga bisan ugdao ang ilang mga balay ug kabtangan, apan naluwas silang tanan.
Samtang naningkamot gayud ang walo ka bulan nga buntis nga si Edsyl Subaylo nga maluwas ang iyang mga anak uban sa panabang sa iyang bana.
Sumala pa niya nga diha na sa ilang ulohan ang sunog sa dihang miikyas gikan sa ilang balay.
Wala siya’y nadala nga gamit sa pag-ikyas gumikan kay labihan ka paspas ang pagkaylap sa kalayo ug miugdaw sa mga balay nga gama lamang sa kahoy, plywood ug amakan.
