DAVAO CITY – Nanganti si Regoberto Sanchez, tigpamaba sa NPA Southern Mindanao nga padayon nga mo-depensa ang mga New People’s Army (NPA), aron nga maseguro nga dili magmalampuson ang gika-ingong oplan kapayapa-an nga civil-military combat operation nga gikatuohan nga nagahasi sa mga sibilyan sa kabukiran.
Una nang gipasi-atab sa mga rebeldeng New People’s Army (NPA) nga naigo niini pag-ayo ang kasundalohan sa kagamhanan sa Southern Mindanao.
Sumala pa kang Sanchez nga sa Lupon, Davao Oriental lima ka mga sundalo ang napatay sa ilang pwersa, diin nakasangka niini ang scout platoon sa 28th infantry Battalion sa Barangay New Visayas alas 8:00 sa buntag.
Dugang pa niya nga duha ka mga CAFGU sab ang ilang nabihag sa national highway sa Barangay Don Mariano Marcos. Naila ang mga bihag nga sila si Rene Dolier, 34 anyos, ug Carl Mark Nocus, 24 anyos, nga pulos anaa ubos sa 72nd Infantry Battalion Philippine Army.
Nakompiska sab sa mga NPA ang .45 kalibre nga armas sa mga bihag nga mga CAFGU.
Samtang sa Bukidnon nababagan sumala pa sa mga NPA ang joint operation sa mga CAFGU ug Paramilitary Alamara dihang na-abtan sa ilang Sub-Regional Command sa Barangay Matupi, Kitaotao, Bukidnon alas 9:00 sa buntag.
