DAVAO CITY – Nanghinaut na lamang ang usa ka lalaki nga nagpasibaw sa iyang kadismaya sa Southern Philippines Medical Center (SMPC) nga unta dili na mahitabo sa uban ang gidangatan sa iyang igsuon.
Una niini, personal nga nagpadangat sa iyang reklamo sa Bomboradyo Davao ni alyas Jun gumikan kay namatay matud pa ang iyang igsuon gumikan sa dili maayo nga serbisyo sa balay tambalanan.
Matud pa kang alyas Jun, gawas nga hinay ang serbisyo sa hospital dugay sab mitambag kanila ang mga doktor nga kinahanglan abuhan ug dugo ang iyang igsuon nga nagkasakit ug leukemia hinungdan nga wala na kini natabang ug nakabsan sa iyang kinabuhi.
Nanawagan sab ang nahisgutan nga unta dili tan-awon sa mga doktor ang sitwasyon sa usa ka pasyente ug ihatag ang patas nga pagtratar bisan paman ug adunahan o kabus kini ilabi na kung kinahanglan na nga luwason ang kinabuhi.
