DAVAO CITY – Dakpan sa gilusad nga drug buy bust operation sa mga sakop sa Sta. Ana PNP ang usa ka 32 anyos nga lalaki sa Purok 2, Brgy. 76-A, Bucana ning siyudad.
Naila ang suspek nga si RAYMOND RUDAS HONESTO alyas “RAYMOND”, ulitawo, walay trabaho ug residente sa Purok 2, Brgy. 76-A, Bucana, ning siyudad.
Napalitan sa kapulisan ang suspek ug taas nga pakete sa ginadili nga druga bugti sa P500 nga marked money.
Dihang gihiling sa kapulisan, narekober sa iyang posisyon ang laing 16 pa ka mga pakete sa ginadili nga druga, usa ka coin purse ug usa ka unit sa cellphone.
Laoman sumala pa nga maparalisa o mohuyang ang suliran sa illegal drugs sa Brgy.76-A ug kasikbit nga mga lugar sa maong areas.
Nasayran nga si alyas RAYMOND usa ka 4P’s Beneficiary ug ilalom sa Directorate for Intelligence Drugs Watchlist. Gibana-banaang adunay street market value ang mga nakumpiskang illegal drug items nga kapin kun kulang Php8,500.00 ug motimbang ug 1.760 grams.
Ang nasikop nga suspek ingon man ang mga nakumpiskang ebidensiya ang anaa karon sa buhatan samtang gi-andam na ang kasong kalapasan sa 9165 batok sa nahisgutan.
