Nagpagula og unang report ang Regional Disaster Risk Reduction and Management Council (RDRRMC XI) nga tulo (3) ka tawo ang namatay ug lima (5) ang samaran human sa magnitude 7.8 nga linog nga miigo sa kadagatan sa Sarangani niadtong Hunyo 8, 2026.
Sumala sa unang report, usa ang natalang patay sa Barangay Mabila, Balut Island human mihugno ang usa ka negosyo nga establisemento.
Samtang usa ang nakabsan sa kinabuhi ug lima ang naangol nga natala sa Barangay Patuco, Balut Island tungod sa landslide.
Adunay natala usab nga nakabsan sa kinabuhi sa Barangay Konel, Balut Island human nadaot ang usa ka mosque.
Sa pagkakaron, gipahimangnoan amg mga katawhan sa mga awtoridad nga ang maong impormasyon wala pa hingpit nga napamatud-an, kay nagpadayon pa ang assessment ug beripikasyon sa mga apektadong lugar.
