Miresulta sa kamatayon sa 18 ka mga minero ug usa ang grabeng nasamdan homan sa pagbusikad sa iligal nga coal mine sa northeastern state sa Meghalaya sa India.
Gipahigayon na ang rescue operations sa mine site ug pipila pa ka tawo pa ang gikabalak-ang na-trap. Gipahayag ni Superintendent of the state police Vikash Kumar, nahitabo ang insidente gumikan sa rat-hole mining , usa ka delikadong pamaagi sa pagmina kung diin gigamit ang dinamita aron maguba ug makamugna ug agi-anan pasulod sa gamay nga tunnel kung diin nakaduko o nakaluhod ang mga minero samtang nanguha ug karbon.
Nagpadayon pa gihapon ang nahisgutang pamaagi sa pagmina bisan paman sa pagdili niini. Samtang gimando na usab ni India Prime Minister Naredra Modi ang paghatag ug 200,000 rupees nga hinabang pinansyal sa mga nangamatay ug 50,000 rupees sa mga nasamdan.
