Naghunos ang 16 anyos atubangan sa iyang inahan sa Balamban,Cebu City niadtong milabay nga adlaw.
Gumikan sa maong mangilngig nga panghitabo, igo na lamang sa pagbakho og hilak ang inahan sa biktima human niining gipusil ang iyang kaugalingon.
Gisulayan matud pa og dala sa ospital ang biktima, apan gideklara kining dead on arrival.
Nasayrang nakasab-an ang biktimang giilang si alyas “Jocelyn sa iyang amahan gumikan tagdugay kini nga muuli sa ilahang balay, apan sa pagsuta sa rekord sa iyang maestra, nasayrang kanunay kining nagacutting class.
Sa pag-uli niini sa ilaha, gilayon kining gikompronta sa iyang inahan, apan sa paglili sa inahan ngadto sa kwarto sa iyang anak, dako na lamang ang kakurat niini nga naggunit na og armas ang bata dayon kablit sa pusil nga gition niini sa iyang ulo.
Sa karon, blangko pa ang ginikanan og diin gikan ang pusil nga gigamit sa biktima.
Nakurat sab matud pa sila nga sa dihang mipauli sila gikan sa ospital, kalit na lamang matud pa nga nawala ang armas sa lawak sa biktima.
Sa karon, padayon pa ang imbestigasyon sa otoridad aron masuta gayod og unsay problema sa biktima nga miresulta sa paghunos niini sa iyang kinabuhi.
