Mikabat na sa 24 ka mga barangay ang gi-classify nga high risk ug moderate risk sa COVID-19 subay sa latest Risk Assessment Map sa Davao City Government sukad kaniadtong August 7 hangtud 13 ning kasamtangang tuig.
Tulo ka mga barangay ang gi-classify isip high-risk nga mao ang 13-B, 16-B ug 34-D. Sa tulo ka mga barangay, ang 13-B ang nagpabilin nga high-risk sukad pa niadtong July 25.
Subay sa risk assessment, nasayran nga sa 976 nga populasyon sa Barangay 16-B, adunay 4 ka kaso sa COVID-19 sa sulod sa usa hangtod duha ka semana. Ang mga barangay nga moderate-risk ang gilangkuban sa 7-A, 9-A, 10-A, 11-B, 18-B, 19-B, 20-B, 25-C, 27-C, 28-C, 32-D, 33-D ug 38-D, A. Angliongto Sr., Agdao Proper, Baracatan, Buhangin Proper, Matina Crossing, Mintal, Ubalde ug V. Hizon Sr.
Samtang, walay mga barangay nga gi-classify isip critical risk. Ang nahabilin nga 158 ka mga barangay ang nagpabiling low-risk. Sa kinatibuk-an, ang Davao City ang nagpabiling low-risk nga adunay 2.86 Average Daily Attack Rate.
Via || DANICA BAGUIO
