Gilusad sa 10th Infantry (Agila) Division (10ID), Philippine Army, kauban ang pwersa sa United States,ang groundbreaking ceremony alang sa usa ka multi-purpose building sa Barangay Tibulao, Carmen, Davao del Norte kaghapong adlawa( Abril 6, 2026,) isip kabahin sa Balikatan Exercise 41-2026.
Ang proyekto gipadagan ilawom sa joint U.S.-AFP Engineering Civic Action Program (ENCAP), usa ka importante nga bahin sa Balikatan nga nagasuporta sa humanitarian assistance ug disaster response (HADR) ug sa kalamboan sa komunidad. Kini nagpakita sa lig-on nga kooperasyon sa Armed Forces of the Philippines ug United States sa pagpangandam sa kalamidad ug pagpahimsog sa kahimtang sa komunidad.
Ang kalihokan gihimo uban sa koordinasyon sa 534th Engineer Construction Battalion, 27th Infantry Battalion, 1003rd Infantry Brigade, Municipal Government of Carmen, ug Barangay Tibulao, uban ang suporta sa 10th Civil-Military Operations Battalion ug lokal nga mga pwersa sa seguridad.
Gipasiugdahan ang seremonya sa usa ka tribal ritual ug pagbutang sa time capsule, nga nagtimaan sa panaghiusa, pagrespeto sa kultura, ug nagkahiusang dedikasyon sa sustainable development.
Gilauman nga ang multi-purpose building mahimong importante nga venue sa mga kalihokan sa komunidad ug mahimong evacuation facility sa panahon sa emerhensya.
Gipadayag sa 10ID nga ang tanang kalihokan sa Balikatan, lakip ang mga civil action projects, pre-planned ug gipahigayon subay sa mga balaod sa Pilipinas, uban sa bug-os nga pagrespeto sa nasudnong soberanya ug seguridad publiko.
Samtang gibutyag ni Major General Alvin Luzon, Commander sa 10ID, ang mas lapad nga epekto sa inisyatiba:
Ang 10ID nagpabilin nga matinud-anon sa pagpalig-on sa kooperasyon, pagtukod sa kapasidad, ug paghatag og mahinungdanong suporta sa mga komunidad sulod sa ilahang area of responsibility.
