Dili moubos sa napu ka mga tawo ang namatay samtang daghan pa ang nasamdan human sa usa ka airstrike sa Israel duol sa usa ka eskwelahan nga gihimong pinuy-anan sa mga mihikling nga Palestino niadtong Lunes, sumala sa mga health officials.
Nahitabò ang pag-atake sa sidlakan sa Maghazi refugee camp sa tunga-tungang bahin sa Gaza Strip, diin giingong adunay unang kagubot tali sa mga residente ug usa ka Israeli-backed militia nga sumala pa mitinguha sa pagpangidnap og pipila ka tawo.
Sumala sa mga saksi ug medic, taliwala sa kagubot, nagpabuto ang Israeli og drones og duha ka missile nga miigo sa maong komunidad nga gipuy-an sa mga displaced residents.
Sa laing insidente, usa ka Palestino ang namatay ug usa ka bata ang nasamdan human maigo sa airstrike samtang nagsakay og motorsiklo sa Gaza City.
Usa pa ka Palestino ang napatay human gipusil sa Israeli forces ang usa ka sakyanan sa central Gaza, nga mipataas sa kinatibuk-ang gidaghanon sa mga namatay ngadto sa dili moubos sa 12 sa maong adlaw.
