Nasikop sa hiniusang anti-drug operation sa Davao City ang usa ka tawo nga giila sa kapulisan isip regional priority target ug balik-balik nang nalambigit sa krimen.
Nahimo ang buy-bust sa Purok 7, Jacinto Extension, Barangay 32-D, diin narekober gikan sa suspek ang mokabat sa 50 gramos nga gituohang shabu.
Gibanabana sa kapulisan nga adunay kantidad nga ₱340,000 ang nasakmit nga ilegal nga droga.
Naghiusa sa operasyon ang City Drug Enforcement Unit, City Special Operations Group, RSOG 11, City Mobile Force Companies, Police Station 2-San Pedro ug Philippine Drug Enforcement Agency kon PDEA 11.
Human madakpan, gipailalom sa hustong proseso ang suspek samtang giandam ang kasong ipasaka batok kaniya.
Gidayeg ni DCPO City Director PCol. Peter Bauzon Madria ang mga operatiba sa resulta sa operasyon.
Matud ni Madria, ipadayon sa kapulisan ang pagtutok sa mga target nga nalambigit sa ilegal nga droga pinaagi sa intelligence-driven operations aron mapugngan ang pagkatag niini sa Davao City. | VIA BOMBO EROS PAJOTA
