Gilaumang mosaka sa ₱21.479 trillion ang outstanding debt sa national government sa katapusan sa 2027, sumala sa Department of Budget and Management.
Halos siyam ka porsyento kini nga pagsaka gikan sa projected ₱19.765 trillion nga utang alang sa 2026.
Matud sa DBM, usa sa mga hinungdan mao ang paghuyang sa piso batopk dolyares.
Gigamit sa 2027 projection ang ₱62 kada usa ka US dollar nga exchange rate, nga nakapamahal sa pagbayad sa foreign loans.
Sa projected debt, ₱14.282 trillion ang domestic debt samtang ₱7.197 trillion ang gikan sa external debt.
Gipaabot usab nga ₱2.704 trillion ang ibayad sa gobyerno sa utang sa 2027, diin ₱1.114 trillion niini para lamang sa interest payments.
Samtang, ₱3.304 trillion ang planong gross borrowings sa gobyerno aron makatabang sa pagpondo sa projected ₱1.694 trillion nga fiscal deficit.
Hinuon, gipunting sa DBM nga ang taas nga debt level dili dayong pasabot nga bad debt, ilabina kung gigamit ang hinulamang pondo sa infrastructure ug long-term investments.
