DAVAO CITY – Patay ang usa ka lalaki samtang samdan ang usa ka babaye sa nahitabong gun shooting sa Barangay Tucal, Sarangani, Davao Occidental kagabii, July 17, 2022.
Subay sa report, giila ang biktmang namatay nga si Raymond Olarte De Arce, 38 anyos, single ug residente sa Brgy. Camahual, Sarangani Davao Occidental.
Nakaangkon si Raymond og pinusilan sa wala nga aping, samtang nasamdan sab ang kauban niining biktima nga si Flordelis Takiawan Forones, 43 anyos, minyo, ug residente sa Brgy. Tucal, Sarangani, Davao Occidental , kinsa nakaangkon og samad-pinusilan sa likod niini.
Narekober gikan sa crime scene ang usa ka .45 pistol, usa ka headset, usa ka yawe sa motor, ug usa ka kalo.
Sa pagkakaron, ginasuta na sa kapulisan sa Sarangani Municipal Police Station ang motibo ug si kinsa ang responsable sa maong insidente.
Samtang, gidala ang biktima sa Sarangani Municipal Hospital alang sa ipahigayong eksaminasyon.
Via || Hana Rallos
