DAVAO CITY – Balhug karon sa presohan sa San Pedro Police station ang usa ka sakop sa Bureau of Corrections nga nag-atubang ug kasong estafa.
Naila ang dinakpan nga si CO1 Maria Corazon Aquino Balsomo, 36 anyos.
Gisikop ang nahisgutan pinasikad sa gipagula nga warrant of arrest sa korte gumikan sa reklamo nga giduso batok kaniya.
Sa inisyal nga imbestigasyon sa otoridad, nadestino ang dinakpan sa Davao Penal Farm and Colony.
Una ng gipahigayon ang operasyon sa mga personahe sa Regional Highway Patrol Unit 11 kaabag ang San Pedro Police Station sa Tadeco Road, Santo Tomas, Davao del Norte.
Gikanayong modus sa nahisgutan ang rent tangay, rent sangla, pasalo, assume balance ug daghanan pa.
Ilarun matud pa niini ang iyang mga kliyente pinaagi sa pag-release ug mga unit sa sasakyan apan questionable ang gigikanan niini dungan sa paghatag ug daghanan nga pasalig ngadto sa iyang mga biktima.
Nagpabilin karun sa kustodiya sa San Pedro Police Station ang dinakpan ug naghulat na lamang kini sa mosunod nga kamandoan sa korte.
