DAVAO CITY – Gipagawas na sa korte sa Northern Mindanao ang usa ka human rights worker nga miyembro sa Karapatan Southern Mindanao nga gibilanggo sulod sa lima ka tuig.
Sumala pa kang Jay Apiag, sa grupong Karapatan, gibasura na sa korte ang tanan criminal charges nga giduso batok kang Dominiciano Muya, residente sa agriculturist of the Rural Missionaries of the Philippines nga nakabase sa Davao del Norte.
Gitabangan sumala pa ang nahisgutan sa Salugpongan Ta’ Tanu Igkanugon Community Learning Center diin sagad sa mga estudyante mga sakop sa lumad.
Una ng nasikop si Muya kaniadtong Oktubre 16, 2014 sa Makilam Village sa Tagum City, Davao del Norte sa mga sakop sa Criminal Investigation and Detection Group (CIDG) ug gi-akusahan isip high-ranking leader sa New People’s Army ug adunay patong nga P4.8-milyones ka pesos.
Gipasakahan ug kasong illegal possession of firearms, multiple murder, double frustrated murder, robbery with double homicide, ug damage to properties ang nahisgutan ug gibalhug sa Bureau of Jail Management and Penology (BJMP) compound sa Malaybalay City, Bukidnon.
