DAVAO CITY – Gilimas ang anaa sa P14 milyones nga kantidad sa kwarta lakip alahas atol sa organisadong pagkawat sa Gaisano Grand Mall, Apokon Road, Tagum City, Davao del Norte.
Sigon sa report sa Tagum City Police, malampusong nakasulod ang organisadong grupo sa mga kawatan ug dayong gilungkab niini ang usa ka jewelry shop ug duha ka ATM nga pulos under maintenance.
Nakasulod matod pa ang mga suspek pinaagi sa paghimog bangag sa sementadong bongbong kon pader sa mall dapit sa bakanteng lote.
Nasayran nga anaa sa P9 million ang nakulimbat sa mga kawatan gikan sa jewelry shop, samtang P4.3 million ang gikan sa duha ka ATM stalls sulod sa mall.
Gipanubayan na sa Tagum PNP ang nakuha nila nga CCTV footage sulod sa mall samtang gipaningkamutan nga makuha ang impormasyon sa mga kawatan.
via || Bombo LJF
