Mipahibalo si US Pres. Donald Trump nga iyang gidawat ang imbitasyon ni James Dolan nga tag-iya sa team aron motan-aw sa usa ka dula sa 2026 NBA Finals sa sunod semana sa Madison Square Garden.
Ang New York Knicks, nga nakaabot sa NBA Finals sa unang higayon sukad 1999, nag-una karon og 1-0 sa serye batok sa San Antonio Spurs human sa ilang 14 puntos nga comeback victory sa Game 1.
Mibutyag usab si Trump nga iyang natan-aw ang kadaugan sa Knicks ug nahangop kini sa pasundayag nga gipakita ni Victor Wembanyama sa Spurs.
Samtang, gikanayon usab ni Adam Silver nga welcome si Trump sa pagtambong sa Game 3 sa Lunes, nga maoy hinungdan sa pagsaka sa presyo sa tiket ug dakong interes sa mga basketball fans sa New York City.
Posible usab nga motambong sa maong duwa si Mayor Zohran Mamdani, apan matud niini nga dili siya molingkod duol kang Trump ug magpabilin sa lahi nga seksyon sa arena.
