Patay ang usa ka US national human kini gipusil sa mga suspek nga sakay og motorsiklo sa lungsod sa Teresa, Rizal.
Base sa inisyal nga imbestigasyon, gisulayan kuno sa mga suspek ang pagpangilog sa alahas sa biktima samtang naglakaw kini sa usa ka dalan sulod sa usa ka residential area sa maong lugar.
Sumala sa kuha sa CCTV, misulay og pag-ikyas ang biktima human niya namatikdan ang pagsulay sa pagpangawat, apan naabtan gihapon siya sa mga suspek.
Samtang gisulayan kuno sa biktima ang pagtangtang ug pagtago sa iyang mga alahas, ninaog ang usa sa mga suspek gikan sa motorsiklo ug gipusil siya sa duol nga distansya.
Nagpadayon ang imbestigasyon sa kapulisan aron mailhan ang mga suspek ug mahibal-an ang motibo sa krimen.
Nanawagan usab ang mga awtoridad sa mga adunay impormasyon kabahin sa insidente nga makig-alayon kanila aron makatabang sa pag-ila ug pagdakop sa mga responsable.
