Nagpatigayon ang People’s Liberation Army Southern Theater Command sa China og hiniusang air ug naval combat drills sa gikalalisang Scarborough Shoal karong Sabado, Agosto 1.
Sumala sa pahayag sa Chinese military, gihimo ang maong pagpapatrolya sa kahanginan ug katubigan sa lugar nga ilang gitawag og Huangyan Dao aron sulayan ug mapalig-on ang combat readiness sa ilang mga pwersa ug mapanalipdan ang ilang giangkon nga territorial sovereignty ug maritime rights.
Dugang pa sa militar sa China, ang maong ehersisyo maoy tubag sa mga aksyon sa “pipila ka mga nasud” nga, matud pa nila, nakadaot sa kalinaw ug kalig-on sa rehiyon.
Lakip sa mga nasud nga adunay pag-angkon sa maong katubigan ang Pilipinas, diin gitawag kini og Bajo de Masinloc o Panatag Shoal, nga nahimutang sulod sa exclusive economic zone (EEZ) sa nasud ubos sa international maritime law.
Wala maningil og piho nga nasud ang China sa ilang pahayag, apan padayon nga naglungtad ang tensyon tali sa Beijing ug Manila may kalabotan sa maong gikalalisang kadagatan.
Sa pagkakaron, wala pa makapagawas og opisyal nga pahayag ang Chinese Embassy sa Manila bahin sa gihimong military exercises.
Samtang, wala pa usab makapagawas og opisyal nga reaksyon ang gobyerno sa Pilipinas may kalabotan sa gihimong combat drills sa gikalalisang Scarborough Shoal.
