DAVAO CITY – Nagkatapok ang mga pinakahawd nga mga swimmers gikan sa nagkalain-laing parte sa nasud atol sa bag-uhay lamang natapos nga 2022 Philippine Swimming Inc. Long Course Grand Prix Qualifying Series nga gipahigayon sa Governor Douglas Ralota Cagas Sports and Business Complex sa Matti, Digos City, Davao del Sur.
Sa tulo ka adlaw nga indigay, nagpakitang-gilas ang mga swimmers sa nagkandaiyang disiplina sa sport nga swimming.
Anaa sa finals maong kalihukan kagahpon si Filipino-Canadian two-time Olympic Medalist ug kasamtangang Philippine National Team Member nga si Kayla Sanchez.
Mapasalamaton ang lokal nga panngamhanan sa probinsya ngadto sa Philippine Swimming Inc. nga ang Davao del Sur ang napiling venue sa maong sporting event.
Usa kini ka dakong lakang aron mapromotar ang Sports Tourism sa probinsya.
VIA || Bombo LJ Florendo
