Gidakop sa mga otoridad ang usa ka lalaki nga giingong responsable sa usa ka brutal nga insidente sa pagpang-buno og sundang sa Brgy. Altavista, Bansalan, Davao del Sur niadtong Mayo 16, 2025. Alas 11:30 sa buntag, nadawat sa Bansalan Municipal Police Station ang taho gikan kang Barangay Captain Randy Navarro kabahin sa maong insidente.
Gani, dali silang mitabok sa lugar uban sa Alert Team ug Intelligence Unit, kauban mismo si Kapitan Navarro, ug mihimo ug hot pursuit operation. Samtang pag-abot sa alas 12:15 sa udto, nadakpan nila ang suspetsado nga nailhan lang sa alyas “Jojo”, 44 anyos, minyo, ug molupyo sa Purok 1.
Matod sa imbestigasyon, ang biktima nga si Marcelo Florentino, 58 anyos, nagkarga ug latex sa kabayo dihang kalit siyang gibuno og sundang sa liog ug lawas gamit ang lagaraw. Ang biktima gidali og dala sa Davao del Sur Provincial Hospital, samtang ang suspetsado karon naa na sa kustodiya sa Bansalan Police Station.
