Gibutyag ni kanhing DPWH Secretary Manuel Bonoan nga naporma ang “Senate Leadership Fund” human nabalaka kuno si Presidente Ferdinand Marcos Jr. sa kadak-on sa congressional insertions sa national budget.
Sumala ni Bonoan, gitumong ang maong pondo aron maapil daan sa proposed DPWH budget ang mga prayoridad nga proyekto sa mga senador ug malikayan ang pagkunhod sa pondo sa mga programa sa ahensya.
Gibutyag usab niya nga adunay minimum nga P500 milyon alang sa matag senador, samtang dili moubos sa P1 bilyon alang sa Senate President ug mga chairperson sa komite.
Mikabat usab kuno sa P13.29 bilyon ang gigamit niadtong 2024 ug gibanabana nga P21 bilyon niadtong 2025.
Bisan pa niini, miingon si Bonoan nga wala napugngi sa maong pondo ang congressional insertions ug misamot pa hinuon ang mga gidugang nga proyekto sa 2024 ug 2025 budgets.
Sa kasamtangan, gigamit ni Bonoan ang iyang affidavit isip prosecution witness sa kaso batok kang kanhing senador Bong Revilla, samtang giatubang usab niya ang plunder case uban kang Senator Jinggoy Estrada.
