Gipanghimakak pag-usab ni Sen. Alan Peter Cayetano ang alegasyon ni kanhing Sen. Ping Lacson nga adunay P700 milyong pondo sa katawhan nga nasayang atol sa iyang paglingkod isip Senate President. Atol sa iyang Facebook livestream niadtong Biyernes, gibutyag ni Cayetano nga walay basehan ang maong alegasyon ug gisupak ang mga pahayag nga naglambigit kaniya sa giingong pag-waldas sa pondo sa Senado.
Sumala pa sa senador, wala siya makakuha bisan usa ka sentimo gikan sa discretionary funds sa institusyon sa tibuok panahon sa iyang pagpangulo sa senado. Dugang pa niini, gipasabot ni Cayetano nga ang mga galastuhan sa Senado adunay gitakdang proseso ug mga regulasyon nga ginatuman sa maong institusyon.
Sa kasamtangan, nagpadayon ang pagbinayloay og mga pahayag tali kang Cayetano ug Lacson may kalabotan sa isyu sa giingong paggasto sa pondo sa Senado.
