DAVAO CITY- Patay ang wala pa mailhing rider atol sa natigayong panagbangga sa Maa Bypass Road duol sa Maa Police Station ning dakbayan tali sa usa ka motor ug SUV.
Sumala sa gipaguwang report sa kapulisan, natigayon ang maong insidente kaganihang alas 5:30 sa hapon. Diin kini ang gikalambigitan sa usa ka Toyota Fortuner SUV nga gimanehoan sa alyas ‘Michael’ hamtong ang panginadaron ug residente sa Bajada Bacaca nin syudad.
Samtang ang wala usab mailhi ang rider nga nagmaneho sa Motorstar Idol 110S Motorsaykol.
Sumala sa inisyal nga imbestigasyon sa kapulisan, ayha ang maong insidente ang maong Toyota Fortuner SUV ang naglawig sa dalang Countryside Road samtang ang motorsaykol ang naggikan sa direksyon sa San Rafael.
Pag-abot sumala pa sa nahitabuan, naigo sa atubangang bahin sa kotse ang atubangang bahin usab sa kasugat nga motor nga miresulta sa pagkalagpot sa maong motorsiklo ug miresulta sa kamatayon sa driver sa motorsiklo.
