Mibalibad si kanhi Senador “Bong” Revilla nga magsumite og plea sa kaso nga malversation, nga walay girekomenda nga piyansa sa iyahang pagpakita pag-usab sa Sandiganbayan alang sa arraignment o pagbasa sa kaso kaganihang buntag.
Tungod niini, ang Sandiganbayan Third Division na ang nagsumite og not guilty plea alang kang Revilla.
Ang maong kaso adunay kalabotan sa P92.8 milyong ghost flood control project sa Pandi, Bulacan.
Kahinumduman nga una na usab nga nagsumite ang Sandiganbayan og not guilty plea alang kang Revilla human kini nga mibaliwala sa pagsubmitar sa iyahang plea sa kaso nga graft nga may kalabotan gihapon sa giingong anomaloso nga proyekto.
Samtang sa gawas sa Sandiganbayan, nagpadayon ang suporta sa kanhi Senador gikan sa iyahang mga supporter, nga nanawagan og nagahangyo nga pagawason kini.
Gawas kang Revilla mitungha usab sa anti-graft court si kanhi DPWH Bulacan engineer Brice Hernandez alang sa iyahang arraignment.
Lakip usab si kanhi DPWH accountant Juanito Mendoza, nagsumite og not guilty plea.
